حرص المخرج محمد سامي الرد على تصريحات الفنان طارق لطفي الأخيرة، حول رفضه المشاركة في مسلسل كلام على ورق بسبب دور غير أخلاقي، وذلك من خلال منشور عبر حسابه الشخصي على موقع التواصل الاجتماعي فيسبوك.

رد محمد سامي على طارق لطفي

وكتب محمد سامي في منشوره الذي يرصده موقع تحيا مصر: ردا علي كلام طارق لطفي المنتشر اليومين دول اولا طارق ممثل محترم و انسان جمیل و اشتغل معايا مرتين مرة في مسلسل مع سبق الإصرار و مرة تانية في مسلسل حكاية حياة، وأعتقد الدورين كانوا مهمين و محترمین جدا و حقق فيهم نجاح مهم، بعدها عرضت عليه دور في مسلسل كلام علي ورق و حصل خلاف انتاجي علي الأجر تقريبا و علي مساحة الدور، و عمل الدور ساعتها الراحل الجميل الأستاذ حسين الإمام والكلام ده سنة ٢٠١٤ يعني من ١١ سنة.

وتابع محمد سامي: فوجئت إن طارق لطفي طالع دلوقتي بيقول إنه رفض يقدم الدور لأنه كان دور واحد شاذ جنسيا وبدأ يتكلم عن المجتمع والناس وخوفه علي الجمهور وكلام غريب جدا بحاله من المبالغة والاسترسال لكسب ود الجمهور و اللعب علي الحالة الدينية و المتحفظة عند الجمهور العربي، ولكن فاته حاجة مهمة إنه بيتكلم عن دور في عمل مصور و موجود والناس تقدر تتفرج عليه و الدور مش دور شاذ ولا ليه علاقة بالشـ.ـواذ.

محمد سامي لـ طارق لطفي: راجع نفسك

واضاف محمد سامي: مش فاهم طارق قال كده ليه و اخترع الموضوع ده إزاي و كمان عمل حكاية غريبة جدا أنا مش فاهمها و إنه خاف علي عيلته وأسرته وطلعني بروج لشيئ غريب جدا، أنا أول مره وسط عرض عمل ليا أسمح لحد ياخدني لموضوع جانبي و لكن كان لازم أرد، لأني لو طارق عنده عيلة فأنا كذلك و مع إحترامي ليك يا طارق كلامك مختلق وغير صحيح و الدور موجود ينفع الناس تشوفه وكان حسين الإمام رحمة الله عليه طالع بيحب روجينا و هي حبيبة عمره و أنتيمه ماجد المصري و أحمد زاهر و أشرف زكي.

واستكمل: وكان جدع مايع عشان أمه رقاصة وصاحب كباريه و ده اللي كان عاجبك في الدور و عملت معايا بروقة أداء عليه و علي مياعته وكان عاجبك، راجع نفسك يا صديقي قبل إلقاء قنابل تزعل زميلك منك، و معلش إني رديت بالشكل ده ولكن لا بد من الرد للتوثيق، كلامك كان لازم يترد عليه و كل سنه وانت طيب و أسرتك الكريمة بخير و لو انت ترفض تقديم دور الشاذ فأنا قبلك أرفض أخرجه.

طارق لطفي: ممكن اعمل دور غير أخلاقي لو كان هادف

وكان قد كشف الفنان طارق لطفي عن رفضه تقديم دور غير أخلاقي في مسلسل كلام على ورق، وذلك خلال لقاء له في أحد البرامج التلفزيونية المذاعة خلال الموسم الرمضاني الجاري.

وقال طارق لطفي في تصريحاته التي يرصدها موقع تحيا مصر: رفضت اعمل دور شاذ في مسلسل كلام على ورق واستشارت اسرتي وعيلتي وفي الاخر رفضته وهقدمه لو فيه من وراه هدف والجمهور العربي صعب لأنه بيصدق اللي على الشاشة.